తాను అధికారంలోకి వస్తే.. రైతులకు ఉచిత విద్యుత్ ఇస్తామని హామీ ఇచ్చారు. అంతేకాకుండా, ఒక్క రూపాయి కిలో బియ్యం పేరుతో ముఖ్యమంత్రి కిరణ్ కుమార్ రెడ్డి రాష్ట్ర ప్రజలను దోచుకుంటున్నారని ఆరోపించారు. కిలో బియ్యం రూపాయికే ఇస్తూ.. ఇతర నిత్యావసర వస్తు ధరలను ఇష్టానుసారంగా పెంచేశారని ఇదెక్కడి న్యాయమన్నారు.
ఇకపోతే.. జగన్ తండ్రి అధికారాన్ని అడ్డుపెట్టుకుని రాష్ట్రాన్ని దోచుకున్నారని ఆరోపించారు. ఈ సొమ్ముతో హైదరాబాద్, బెంగళూరులలో భవంతులు కట్టుకున్నారని విమర్శించారు. పేదరికం లేని సమాజం చూడటమే తన జీవిత ధ్యేయమని అన్నారు. పోలవరం నిర్వాసితులకు పూర్తి న్యాయం జరిగే వరకు తన పోరాటం కొనసాగుతుందన్నారు.