పాక్ సుప్రీం చీఫ్ జస్టిస్ ఇఫ్తికార్ చౌదరి రాజీనామాకు డిమాండ్!
పాకిస్థాన్ సుప్రీం కోర్టు ప్రధాన న్యాయమూర్తి ఇఫ్తికార్ చౌదరి రాజీనామాకు డిమాండ్ పెరిగిపోతోంది. పాక్ రియల్ ఎస్టేట్ టైకూన్ మాలిక్ రియాజ్ హుస్సేన్ నుంచి చౌదరి కుమారుడు అర్సాలన్ ఇఫ్తెకార్ భారీ మొత్తంలో ముడుపులు స్వీకరించినట్టు ఆరోపణలు వెల్లువెత్తడంతో దేశ మంతటా నిరసన వ్యక్తమవుతోంది. రియాజ్ హుస్సేన్‌పై వచ్చిన ఆరోపణలను సుప్రీంలో విచారణ కొనసాగుతున్న కారణంగా చౌదరి వెంటనే తన పదవికి రాజీనామా చేయాలని పాక్ న్యాయ నిపుణులు డిమాండ్ చేశారు. కేసులను విచారించే ఏ బెంచ్‌లోనూ చౌదరి సభ్యుడిగా ఉండడానికి వీలులేదని స్పష్టం చేశారు. అధికార పాకిస్తాన్ పీపుల్స్ పార్టీ కూడా చౌదరి రాజీనామాను కోరడం విశేషం.
