పశ్చిమ బెంగాల్ స్థానిక సంస్థల ఎన్నికల్లో రాష్ట్ర ముఖ్యమంత్రి, తృణమూల్ కాంగ్రెస్ అధినేత్రి మమతా బెనర్జీ విజయకేతనం ఎగురవేసింది. కాంగ్రెస్‌తో ఎన్నికల పొత్తు పెట్టుకోకుండా ఒంటరిగా పోటీ చేసిన తృణమూల్ కాంగ్రెస్ ఆరు మున్సిపల్ కార్పొరేషన్లకు గాను నాలుగింటిలో విజయకేతనం ఎగురవేసింది.తృణమూల్ కాంగ్రెస్ సాధించిన ఈ విజయం రాష్ట్రంలో కాంగ్రెస్ బలాన్ని ప్రశ్నార్థకం చేసి, ఆ పార్టీని ఇరుకున పెట్టింది. అయితే మమతా బెనర్జీ సాగించిన అనేక ఉద్యమాలకు నెలవైన నందిగ్రాం సమీపంలోని హల్దియా మున్సిపల్ కార్పొరేషన్‌లో సిపిఎం విజయం సాధించడం తృణమూల్ కాంగ్రెస్‌కు దెబ్బేనని రాజకీయ పండితులు చెబుతున్నారు.
