పెరిగిపోతున్న బూటకపు పెళ్లిళ్లు: వీసా నిబంధనలు కఠినతరం!
బూటకపు పెళ్లిళ్లతో బ్రిటన్‌కు తమ జీవిత భాగస్వాములను తీసుకువచ్చే భారతీయుల సంఖ్య పెరిగిపోతుండటంతో బ్రిటీష్ ప్రభుత్వం వీసాల నిబంధనలను మరింత కఠినతరం చేసింది. ఇకపై భారత ఉపఖండంనుంచి, ఐరోపా సమాజం వెలుపలి దేశాలనుంచి బ్రిటీష్ పౌరులు, ఏడాదికి కనీసం 16 లక్షల రూపాయల ఆదాయం ఉండి బ్రిటన్‌లో స్థిరపడిన వారు మాత్రమే తమ జీవిత భాగస్వాములను తీసుకు రావడానికి అనుమతిస్తారు. జూలై 9నుంచి ఈ కొత్త నిబంధనలు అమలులోకి వస్తాయని బ్రిటీష్ ప్రభుత్వం ప్రభుత్వం ప్రకటించింది. ఐరోపా సమాజం వెలుపలి దేశాలనుంచి వలసలను నిరోధించడానికి కామెరాన్ ప్రభుత్వం ఇటీవలి కాలంలో అనేక చర్యలు తీసుకున్న విషయం తెలిసిందే. బోగస్ పెళ్లిళ్లు, కుటుంబ వీసాలను నిరోధించే ఉద్దేశంతోనే ఈ కొత్త ఆంక్షలను విధించినట్లు విదేశాంగ మంత్రి తెరెసా మే చెప్పారు.
